Ógn við þjóðaröryggi

Er það ekki búið að sína sig að það er meiri ógn við þjóðaröryggi þegar útrásarvíkingar og bankastarfsmenn fara saman út að borða heldur en einhver hópur af misheppnuðum ógæfumönnum að halda innflutningspartý?

12 vísað frá landinu

Heimdellingar illa gefnir eða heilaþvegnir?

Rakst á þennan pistil inni á frelsi.is. Gefur undarlega sýn inn í hugarheim ungra sjálfstæðismanna.

 

10 áhugaverðar staðreyndir um Heimdall

Það kannast flestir við Heimdall, félag ungra sjálfstæðismanna í Reykjavík - stærstu og öflugustu ungliðahreyfingu landsins. Saga félagsins er merkileg og hafa Heimdellingar látið að sér kveða í þjóðfélaginu með ýmsum hætti. Verður nú farið yfir nokkrar áhugaverðar staðreyndir um þetta merka félag.

 

1. Heimdallur er eldri en Sjálfstæðisflokkurinn sjálfur, enda rann félagið undan rifjum Íhaldsflokksins og var stofnað þann 16. febrúar 1927. Sjálfstæðisflokkurinn var svo stofnaður árið 1929 þegar Íhaldsflokkurinn og Frjálslyndi flokkurinn sameinuðust undir merkjum sjálfstæðis.
2. Í október 2003 keypti Heimdallur lesna auglýsingu í Ríkisútvarpinu sem hljóðaði svo: „Slökkvum á Ríkisútvarpinu. Heimdallur." RÚV neitaði að birta auglýsinguna á þeim forsendum að „Ríkisútvarpið birtir ekki ótilhlýðilegan áróður gegn fyrirtækjum, félögum eða einstaklingum." Ekki fengust þó nánari skýringar á því hvaða áróður gæti talist tilhlýðilegur.
3. Heimdallur gaf út blað undir nafninu „Veðsetning framtíðar ungs fólks hjá erlendum bankastjórum" árið 1987. Þar er m.a. lagt til að Rás 2, Búnaðarbankinn, Útvegsbankinn, Landsbankinn, Ríkisprentsmiðjan Gutenberg, Jarðboranir ríkisins, Íslenskir aðalverktakar, Áburðarverksmiðja ríkisins, Íslenskar endurtryggingar, Íslenska járnblendifélagið, Ferðaskrifstofa ríkisins, Fóður og fræ Gunnarsholti, Stórólfsvallabúið, Fóðuriðjan Ólafsdal, Grænfóðursverksmiðjan Flatey, Síldarverksmiðja ríkisins, Skipaútgerð ríkisins og Umferðarmiðstöðin, sem allt var í eigu ríkisins á þeim tíma, verði selt. Þess ber að geta að meirihluti fyrirtækjanna er búið að selja.. en tveir bankanna reyndar nýlega komnir aftur í ríkiseigu.
4. Samkvæmt nýjustu tölum telja meðlimir Heimdallar á sjötta þúsund. Athyglisvert er að langstærsti hluti karlmanna í félaginu er fæddur árið 1982 en langstærsti hluti kvenmanna er fæddur árið 1990.
5. Erla Ósk Ásgeirsdóttir, formaður Heimdallar 2006-2008, var fyrst kjörin á fjölmennasta aðalfundi í sögu Heimdallar í september 2006. Þar hlaut Erla 772 atkvæði en Heiðrún Lind, mótframbjóðandi hennar, hlaut 692 atkvæði. Erla var þó ekki fyrsta konan til að gegna formannsembættinu, heldur var það Elsa Björk Valsdóttir, læknir, árið 1996.
6. Nafn Heimdallar var fengið frá samnefndum ási, sem reyndar er líka kallaður Hallinskíði og Gullintanni. Býr hann í Himinbjörg og á lúðurinn Gjallarhorn. Heimdallur er vörður goðanna og hefur afburðasjón og -heyrn; segir svo í Snorra Eddu að Heimdallur heyri gras gróa og ull vaxa. Vísar nafn félagsins þannig til skyldu þess til að gæta þjóðfélagsins og verja það gegn offorsi.
7. Árið 1949 gerði hópur manna áhlaup á þinghúsið, eftir að hafa brotið rúður í Sjálfstæðishúsinu og kastað grjóti. Meðlimir Heimdallar, meðal annarra, mynduðu mannvegg um þinghúsið og vörnuðu hópnum inngöngu. Tókst þannig að verja húsið hetjulega gegn atlögunni.
8. Heimdallur hengdi víða upp plaköt árið 1987 með mynd af Ólafi Ragnari Grímssyni, þáverandi formanni Alþýðubandalagsins. Undir myndinni stóð „Myndir þú kaupa notaðan bíl af þessum manni?"
9. Heimdellingar hafa með nokkuð reglulegu millibili staðið fyrir föstum liðum, á borð við Skattadaginn (þar sem skattgreiðendum er kynntur sá dagur sem þeir hætta að vinna launalaust fyrir sköttum sínum), mótmæli við birtingu álagningarskráa og gert tillögur um niðurskurð á fjárlögunum. Mótmæli þessi hafa vakið athygli á því sem miður hefur farið og hvarvetna skapað umræður í þjóðfélaginu.
10. Margir fyrrum meðlimir Heimdallar hafa verið áberandi í þjóðfélaginu, t.d. Birgir Ísleifur Gunnarsson, fyrrum seðlabankastjóri (formaður '59-'63), Styrmir Gunnarsson, ritstjóri Morgunblaðsins (formaður '63-'66), Björgólfur Guðmundsson, viðskiptamaður (í stjórn '66-'68), Sveinn Andri Sveinsson, stjörnulögmaður (í stjórn '86-'88), Jón Magnússon, spaði í Frjálslynda flokknum (formaður '75-'77), Elín Hirst, fréttamaður (í stjórn '84-'85), Ólafur Þ. Stephensen, ritstjóri Morgunblaðsins (formaður '87-'89), Thor Thors, stórkaupmaður (formaður '31-'32), auk margra sem áberandi hafa verið í flokknum, á borð við Geir Hallgrímsson, Kjartan Gunnarsson, Árni og Þór Sigfússynir, Birgir Ármannsson, Sigríður Á. Andersen, Sigurður Kári Kristjánsson, Illugi Gunnarsson og Borgar Þór Einarsson.

 

 

Helst stingur í augun atriði númer 7. þar sem því er lýst með hetjublæ hvernig heimdellingarnir mynduðu mannlegan múr til að varna trylltum skrílnum inngöngu í alþingishúsið.

 Kannski er ég svona smámunasamur en mér finnst vera eilítill stigsmunur á því að mynda mannlegan vegg annars vegar og hlaupa um með hjálm á höfði og berja fólk með kylfum hinsvegar.

Kannski heimdellingar hafi aldrei séð kvikmyndaupptökur frá óeirðunum? Setja þeir þau kannski bara á svið eins og eldri sjálfstæðismönnum minnir að þau hafi verið uppi á sviði í Valhöll? 

 

Sérstaklega er það athyglivert að sama fólk fordæmir sífellt allt hið meinta "ofbeldi" mótmælenda í dag þó svo að þar sé einungis hægt að finna marbletti á frjálslega vöxnum þingvörðum með lélegt jafnvægisskyn, bitnar hendur lögregluþjóna sem sátu þó nokkrir ofan á þeim sem ofbeldinu beitti og svo hið mjög svo óheppilega kinnbeinsbrot eins af þrælum auðvaldsins sem þó var einungis afleiðing en ekki oröks fáránlegrar notkunar piparúða á margmenni í þröngu porti.

 Það er greinilega ekki sama hver beitir ofbeldinu svo það sé réttlætanlegt?

Ritskoðun?

Hversvegna var þessari frétt breytt og öll blogg sem við hana voru komin tekin úr sambandi? Ég bara spyr.

Hátt í 400 handtökuskipanir

Sumir virðast tregari en aðrir

Það vantar ekki að Ástþór sé uppátækjasamur en honum virðist tilfinnanlega skorta skilning.Skilning á því að fólk vill ekkert með hann hafa. Með öfgakenndum skrifum seinustu vikna virðist hann hafa komið því haganlega frá sér að skíta yfir allt og alla á öllum hliðum til þess eins að geta vælt og æst sig yfir því hvað allir séu ósanngjarnir og leiðinlegir við greyið friðelskandi óeirðasegginn hann Ástþór.

 

Er ekki kominn tími til þess að hætta að berjast við vindmyllur og fara að einbeita þér að einhverju öðru? Vera góður við konuna, fara út að ganga eða endurvinna gamla sokka?

Lá við að fundurinn leystist upp

Erum við hálfvitar?

Það virðist þetta siðblinda viðrini allaveganna halda og eflaust eru það margir sem kokgleypa aumar syndaskriftir hans. Fyrr en þessir ræningjar eru komnir í gapastokk og hýddir, eigur þeirra gerðar upptækar og þeir svo reknir úr landi með skömm og fyrirgerðum ríkisborgarrétti er voða lítið til að tala um.

Endurgreiddi 370 milljónir

Strengjabrúða Zíonista

Trúir því einhver í alvörunni að Obama sé eitthvað minni strengjabrúða zíonistanna heldur en forverar hans?

 Það er eingöngu tvennt sem virðist skipta bandaríkjamenn máli í utanríkismálum; orkuauðlindir og aðgengi að þeim með öllum tiltækum ráðum og svo hinn óþolandi stuðningur við málstað zíonista, sama hversu grófir þeir gera sig í glæpum gegn mannkyninu.

Obama er þögull

Brauðfætur ESB?

Það magnast upp spenna þarna eins og annarstaðar og vekur kannski athygli einhverra hversu háð ESB er utanaðkomandi orkugjöfum   Það er alveg óþolandi þessu umræðuvitleysa um ESB og aðildarviðræður í dag þar sem stjórnmálamenn sameinast um að mikla það málefni upp og þræta um það til þess að þurfa ekki að horfast í augu við mun alvarlegri og meira aðkallandi mál eins og að ganga frá þessu bankarugli, koma í veg fyrir fjöldagjaldþrot og stemma stigu við miklu atvinnuleysi í nánustu framtíð.

 

Við höfum ekkert þangað inn að gera og allra síst á þessum tímum. 

Minnkandi gas í Evrópu

Yfirvofandi borgarastyrjöld?

Það virðist styttast þráðurinn um heim allan og hann virðist vera brunninn upp í Grikklandi.

 Almenningur heimsins er vonandi að átta sig á hversu ómannlegur þessi andskotans kapítalismi er en til þess að losna undan oki hans er því miður fátt annað en blóðsúthellingar í boði.

Byssumenn skutu grískan lögreglumann

óhugnanleg þróun í augljósri ritskoðun?

Þó svo að menn hafi ákveðið að frá og með 1. jan skuli menn skikkaðir til að rita undir fullu nafni, líklega til að koma í veg fyrir óheftar tjáningar öfga og misyndismanna (?) þá er það hvergi nærri nóg. Einhver fann sig allaveganna knúinn til þess að henda út öllum tengingum í frétt þessari tengdri þar sem Ólafur afsakar sig með því að segjast hafa einungis veist að fólkinu í sjálfsvörn.

 

Hvað er að? og hvenær ætlar fólk að átta sig á fjölmiðlarnir allir með tölu hafa svo ekki verður um villst sett sig í lið með stjórnvöldum og bankaræningjum GEGN þjóðinni? 

Mótmælendum ógnað á gamlársdag

Action?

Voðalega virðist sumum vera orðnir spenntir fyrir því að það sjóði upp úr laugardagsmótmælunum.  Ég er nú persónulega á því að þó svo að þau áorki voðalega litlu þá hafi friðsamlegu mótmælin hans Harðar skapað mikilvægan grundvöll fyrir fólk til þess að mótmæla, fólk sem er ekki tilbúið til þess að ganga lengra og er ekki tilbúið til þess að gúddera skemmdarverk eða ofbeldi og það síðasta sem nokkur vilji sé að hætta því.

 

Hvað aðrar aðgerðir snertir virðist það vera að verða þannig að maður mæti ekki í þau án þess að taka hjálm og hlífar með sér, ekki að það sé neitt að því.

 

 Þetta er allt spurning um að það sé til grundvöllur fyrir alla til þess að koma sínum skoðunum á framfæri.

Mótmælt á Austurvelli á morgun