Sumir virðast tregari en aðrir

Það vantar ekki að Ástþór sé uppátækjasamur en honum virðist tilfinnanlega skorta skilning.Skilning á því að fólk vill ekkert með hann hafa. Með öfgakenndum skrifum seinustu vikna virðist hann hafa komið því haganlega frá sér að skíta yfir allt og alla á öllum hliðum til þess eins að geta vælt og æst sig yfir því hvað allir séu ósanngjarnir og leiðinlegir við greyið friðelskandi óeirðasegginn hann Ástþór.

 

Er ekki kominn tími til þess að hætta að berjast við vindmyllur og fara að einbeita þér að einhverju öðru? Vera góður við konuna, fara út að ganga eða endurvinna gamla sokka?

Lá við að fundurinn leystist upp

Athugasemdir

[Ástþór Magnússon Wium, 8.1.2009 kl. 22:06]

Kommúnistar báru jólasveininn út af Opnum borgarafundi

Ég gekk að dyrunum, fjöldi svartklæddra öryggisvarða í skeggræðum og ég smeygði mér hljóðlega framhjá þeim grímuklæddur sem jólasveinninn.

Barði stafnum hennar mömmu minnar sálugu í gólfið og hrópaði "Fær jólasveinninn að tala hér?"

Mikið fát kom á Gunnar leikstjóra sem hótaði að slíta fundinum ef jólasveinninn fengi orðið.  Ekki mátti heldur afhenda lögreglustjóra kærugjafir úr poka sveinka.

Eftir vel æfðum handabendingum af leiksviðinu var ég um leið umkringdur svartklæddum öryggisvörðunum sem tóku sig til og í orðsins fyllstu merkingu báru jólasveininn út af Opnum borgarafundi undir hrópum mínum "Það er verið að bera jólasveininn út af fundinum"

Þegar út í bíl var komið og búið að taka niður skegg-grímu sveinka komu aðvífandi nokkrir fundargesta og sögðu að búið væri að "kjósa þig" inná fundinn. Ég gekk með þeim til baka að hurð leikhússins en þar biðu þá aftur öryggisverðirnir, nú ekki eins utangátta, og vörnuðu mér inngöngu.

Segir þetta ekki allt sem segja þarf um leiksýninguna Opinn borgarafund?

Útilokað er að byggja nýtt Ísland á grímuklæddum leiksýningum og sovét-fasískum vinnubrögðum. 

4.12.2008 | 00:21 Borinn út af borgarafundi. Þjóðin blekkt með leikstýringu.

5.1.2009 | 15:51 Hvar á ég heima? Áhugaverð grein um pólitíska hugmyndafræði sem þarfnast skýringa.

3.1.2009 | 12:29 Kommúnískum áróðri troðið í 8 ára barn

3.1.2009 | 19:37 Hvar stöðvar barnaþulan Dimmblá?

[Björn Gísli Gylfason, 8.1.2009 kl. 22:09]

Spammari

[Ástþór Magnússon Wium, 8.1.2009 kl. 22:19]

Það vantaði að þú fjallaðir um þetta á þeim nótum sem málið snýst um: Útilokað er að byggja nýtt Ísland á grímuklæddum leiksýningum og sovét-fasískum vinnubrögðum. 

[Anna Benkovic Mikaelsdóttir, 8.1.2009 kl. 23:15]

Málið snýst ekki um Ástþór!

[S.R (IP-tala skráð) 9.1.2009 kl. 10:26]

Ástþór, jólin eru búin og Grýla bíður þín með vöndinn

Þú talar eins og fórnarlamb, aktar eins og fórnarlamb og að vera endalaust fórnalamb er þitt hlutverk. Farðu nú að vinna í þínum málum áður en þú færð alla þjóðina upp á móti þér, svona í alvöru talað. Þú gerir sjálfan þig að mestu fífli með framkomu þinni, þú ert sjálfum þér verstur. Með þessa endalausu kommúnistaparanoju á háu stigi og kastandi skít allt í kringum þig - kallandi þig friðarsinna í leiðinni, við lifum nú einu sinni á 21. öldinni, ekki satt?