Hetjur og hreystimenni

Þeir Ólafur og Guðmundur Klemenssynir eru greinilega hreystimenni mikil og munu vonandi uppskera eins og hetjurnar sem þeir eru þegar þeir segja frá háskaför sinni, næst er þeir súpa á kaffi í valhöll, í gegnum óvíga hersingu grímuklædds og vopnaðs kommaskríls, óttuðust eigi heldur sögðu þessum illa upplýstu ræflum til syndanna.

 Sem hagfræðingur annars vegar og læknir hins vegar, sýna þeir vel hvernig vel stæðir og umfram allt vel menntaðir sjálfstæðismenn skuli koma fram við þann treggáfaða almúga sem stendur í skemmdarverkum og skrílslátum án þess að hafa hugmynd um afhverju. 

Taldi sér ógnað

Athugasemdir

[hilmar jónsson, 2.1.2009 kl. 23:57]

Já þetta eru ótrúlegar týpur, læknir og hagfræðingur banvæn blanda...

[Jóhann (IP-tala skráð) 3.1.2009 kl. 10:45]

Ég er mikið að spá í að skora á þá bræður að slást við mig, annan þeirra í einu, á Austurvelli fyrir framan styttuna af Jóni. Þá þurfa þeir ekki að ráðast á ungar konur og hrinda þeim til að fá útrás fyrir sínar haturs-tilfinningar.